As últimas deste ano

Estas xa son as últimas fotos que vou subir do Asalto 2009.

Espero que os que viñerom, disfrutasem e, os que non o fixerom, se animen para o ano que vén.

Outra tanda de fotos

Pois. Outra tanda das que aínda quedan.

Como vedes, participou todo o mundo e houbo moito entusiasmo:

Mais imaxes resgatadas da escuridade

Deixovos estoutras.

Pouco a pouco van saíndo do forno.

Mais fotos

Nestes días, irei subindo, pouco a pouco, as fotos do asalto e da festa. A maioria hai que as procesar para que sexam visíveis así que tende um chisco de paciencia, que saír, van saír.

Estas son as primeiras:

As primeiras fotos de onte à tardinha II

As primeiras fotos de onte à tardinha

Onte á tardinha, Vimianço estava totalmente posuído polo espírito da festa:

Gente ruando, cantando, na ramboia, os bares de pinchos medievais ateigados de gente, e, aló enriba, no campo da festa, os preparativos.

Como as imagens.às vezes, dizem muito mais do que as palavras, vou-vos deixar estas que fum tirando onte, entanto dava um passeinho.

Amanhã, as da festa e da troula.

Para os mais pequenos

Este ano, tamém vai haber actividades para os mais pequenos.

A tarde do sábado, de seis a oito, na Praza da Igrexa, os nenos que se queiram achegar terán obradoiros de manualidades varias, onde poderán fazer cousas coas suas mans.

Así, os pais e nais, poderán ir tomar un pinchiño e probar o ricos que están no entanto.

E, agora, só falta esperar a mañán, para vernos na festa.

E a que vaian aparecendo as fotos, para venos e para ver eses momentos especiais conxeados no tempo.

Até amañá.

Segundas Xornadas de Pinchos Irmandinhos

onforme se achega o día,van empezando as actividades. Hoxe vouvos contar como vai o dos pinchos irmandiños este ano.

A organizazon dos bares da vila de Vimianzo que participan, informa:

Bases para a participación
nas II xornadas dos pinchos
irmandiños

As xornadas desenvolveranse do xoves 2 ao sábado 4
de xullo.
Haberá un premio ao mellor pincho que será outorgado
polo público a un só establecemento e patrocinado por
MAHOU.
Cada establecemento participará cun só pincho.
Os establecementos deberán ter o pincho a dispor do
publico en horario de 11:30 h. a 14:30 h. e de 19 h. a 21h.
No caso de non ter o pincho nese horario o local quedará
descualificado.
Ao tratarse de pinchos medievais só se poderán utilizar
ingredientes que existiran na Idade Media, é dicir, antes
de que se descubrise América.
Cada establecemento terá unha furna na que o público
poderá depositar o seu voto.
O público poderá votar utilizando uns cupóns que
estarán xunto as furnas.
Só se admitira un voto por persoa en cada establecemento.
As papeletas deberán ter o DNI para que sexan válidas.
O publico participante disporá dunha tarxeta cun plano
no que figurará a localización de todos os establecementos
participantes. En cada local selarán esta tarxeta e o
participante que consiga ter selada a tarxeta por todos
os locais participará no sorteo do peso da persoa
gañadora en produtos MAHOU.
Unha vez selada a tarxeta depositarase en calquera das
furnas.
As furnas recolleranse o Sábado 4 as 22 h.
A entrega do premio farase o martes 7 de xullo as 13 h.
diante os medios de comunicación da zona.

Agora vouvos contar cales son os pinchos que vai poñer cada bar. Mmmmmmmmmm!!!!!!!!! No Medievo comíase ben.

Os que comían, claro.

II XORNADAS DO PINCHO IRMANDIÑO VIMIANZO 2009

Os sete locais que participamos nas II Xonadas do Pincho Irmandiño agradece de ante man a difusión destas xornadas nos vosos distintos medios, e recordarvos que estas xornadas distan moito dos típicos concursos de tapas xa que teñen coma únicos ingredientes, produtos que había en Galicia na Idade Media, e decir,  antes do descubremento de America.

A continuación detallovos o nome do local e o pincho co seu respectivo nome.

CELME CAFÉ: O Desexo de Xoana de Castro (Chourizo Criollo sobre base de pan de        broa con salsa de verduras)

CAFÉ D´LO: O Potaxe da Revolta (Guiso de porco con verduras)

CHEERS: Chipirons Irmandiños (Chipirons con salsa de gambas)

QUILMES: A Raxada dos Altamira (Raxo con setas)

Os Riles dos Moscosos (Riles encebolados con setas)

CASA SABINA: O tesouro de Alonso de Fonseca (Filloa rechea de porco celta con         mollo de pemento)

O guiso dos Herdeiros de Traba (guiso de polo con setas)

O CASTILLO: Filloa do conde de Altamira (Filloa rechea de afumados)

Roliño do Marques de Almeiras (Porco recheo de xamón serrano e quiexo)

VIA RAPIDA: Pernada do Señor Feudal (Pernil de porco de Carantoña, pementos de Fumiñeu e mollo de cogumelos de Covaladrons)

Ambrosia da Serea Mariña (Cazola de fideus con berberechos de Xaviña e mexillons das Lobeiras con gambas de ultramar)

Pois eu xa non digo mais. Aí queda eso. Xoves, venres e sábado. Tres días para degustar uns pinchiños e dar unha volta por Vimianzo. Mañán é feira, así que é unha boa ocasión para dar unha voltiña e empezar.

The Turre’s Band

he Turre’s Band é un deses  grupos cos que resulta imposível non bailar.

A súa música, segundo eles mesmos comentan no  seu espacio:

http://www.myspace.com/theturresband

“The Turre..s Band e un experimento sociolóxico sen precedentes que se deu ala polo ano 2001 cando 12 dos mellores músicos de tódolos tempos, fartos da monotonía existente na musica do momento decidiron innovar e dar un paso mais. Moitos lles chamaron tolos, moitos lles dixeron que non serian nada… Pero co paso do tempo esas bocas deixaron de dicir tentearías pero seguían abertas…da impresión que causaba a mezcla espectacular que fai este grupo do vento e da percusión

Xa quedaron atrás moitas duras batallas con públicos peleons que non paraban de chimpar ante a nosa musica. Entre eles grandes salas de concertos coma tubulart e liceum en Porriño, sala D..Antón en a Laracha, sala Dzine en San Sadurniño, e grandes festivais, como Reperkusión 2006, festival Rebumbio, festival a..sacho, gandarós 2007 terra brava do Incio 2007,festixeve 2007 Festival intercultural de Calaf (cataluña) 2007, así como diversas salas de Galiza.

Unha musica que non coñece de fronteiras, nin de sexos, nin de idades… A súa musica vai dende o mais suave e tranquilo swing, con certos toques de blues, e chegando a alegría e desenfreno dos ritmos ska e da musica balkanika, e sen esquecerse dun dos inventos mais importantes dos últimos anos (despois da tortilla de patacas con chourizo, claro) a MUIÑEIRA-SKA!!! Un extrano pero singular hibrido entre unha muiñeira tradicional galega e o desenfreno da musica ska, unha mezcla que no momento que e escoitado polo publico sinte a impetuosa obrigación de movelos pes o seu ritmo.”

Pouco mais se pode dizer sobre eles que xa non digan eles mesmos. Unha mestura explosiva de ritmo, fanfarria e colorido.

Para mostra. este botón:

A meio caminho entre a banda de música, a fanfarria o certo é que tem unha color de vila en festas, de titiriteiros daqueles da cabra, en todo caso de algo brillante, alegre, clorido. A “muiñeiraa Ska”!

Ophiusa

segundo dos grupos que se ocupará da parte musical do asalto deste ano, é Ophiusa http://www.myspace.com/ophiusafolk

Para definir aos grupos, quem melhor que eles mesmos. Assim, da sua páxina do myspace, tirei esta definizon da sua música:

“Cóllanse por un lado os estilos musicais que catro melómanos poden ter escoitado ao longo das tres décadas que levan sobre o mundo. Inxíranse con fruición e sen deixar que arrefríen, mastíguese ben, e por último, regurxítense debidamente aderezadas cun enorme respecto pola cultura musical tradicional do noso país, tomándoa como base, pero tendo tomado antes a pílula “anti-endogámica”.

Compoñen Ophiusa
RAMON FEANS (Chiri) : Bouzouki, guitarra, percusións, voz e programcións.

PAULO GACIO : Frauta, saxo soprano, gaita, whistles, percusións e programacións

PACO NOGUEIRAS : Acordeón, teclado, clarin, voz e programacións

TOÑO PRESEDO: Mandola

ANTON BELLO: Baixo

DANI RIVEIRO: Bateria e Percusións

Todos eles fan unha música que soa así: